<body>

الهيستيريا

5/31/2006


البعض بعث لي إيميل يسأل عني للأنني توقفت عن التدوين

آه .... مش عارفة شو أحكيلكم ... مروا شهرين ما بعرف كيف مروا


زوجي قرر يعمل تصليحات وتحسينات في البيت. كل يوم أرجع من الشغل أكون حاطة إيدي
على قلبي. لأنه كل يوم أرجع ألاقيهم عاملين لي مفاجئة جديدة. يوم ألاقيهم
حافرين في الجنينة وقالبينها لخرابة. يوم ثاني ألاقيهم بيحفروا في حيطان
المطبخ. يوم ثالث ألاقيهم هادين حيطة هون وبانيين حيطة هناك. أخر مفاجئة لما
وصلت البيت وسمعت طاخ .... طاخ .... طاخ من السرداب. نزلت تحت لقيت زوجي ماسك
شاكوش كبير وبيكسر بلاط الحمام في السرداب لأنه قرر أن يغير البلاط

بين موجات البكاء والهيستريا يؤكد لى زوجي أن التغييرات رح تعجبني لما يخلصوا

في أوقات الفراغ أحلم أني إتصلت بالشرطة وطلبت منهم إعتقال العمال الذين أجرهم
زوجي للشغل في البيت بتهمة تخريب البيت. أحلم بالشرطة تحط الكلبشات في إيديهم
ويحطوهم في سيارة الشرطة ومعاهم الأدوات والغبار والتراب ورائحة الدهان وساعتها
ينتهي الصداع وأرتاح قليلا

كل أسبوع بيقولولي هذا أخر أسبوع قربنا نخلص وأنا بحكي قربت أرجع للكتابة

وشكرا للسؤال عني

سوتشي

5/14/2006



عندما نخلط الإنجليزية بالعربية



لم أتمالك نفسي من الضحك